اتكعبلت في المدونة دي النهاردة الصبح ..مش بحب اكتب عن مدونات التانيين وخصوصاً لو انا مش عارف مين التانيين دول , بس بجد المدونة دي تستاهل ..عيبها الوحيد بس انها على بلوج سبوت , كانت هتبقى روعة على ورد بريس وهيبقى شكلها انضف كتير اوي ..
بس ميمنعش انها تستاهل المتابعة ..
دوس على الصورة عشان تروح هناك 🙂
للي بيسأل عن اختفائي , انا مشغول بعنف ..
3تعليقات
Comments feed for this article
20 أفريل, 2007 في 7:19 ص
بلبع الرغاى
شوف يا محمد يا نقيب يابنى
الحياة أهم من الشبطة على مين الأحسن بلوجرز ولا وردبرس
الدنيا كأنها مقسومة اتنين فى الموضوع ده
وده برضو بيفكرنى بالانقسام على إيامى بين محبى نتسكيب وانترنت اكسبلورر ودلوقت محبى انترنت اكسبلورر شابطانين فى مدمنى فاير فوكس وأنا تحولت من كام شهر من محب للويندوز سيستم لمتيم بالابل ماكنتوش
طيب نعمل إيه فى الانقسام التكنولوجى ده
ندعى ربنا على اللى عملوه ونسيبله أمرهم ونخلينا أحنا فى التدوينات بتاعة خضرة بنت أبو حسين المشتهرة بينكم باسم رودى
دى مفيش عليها إنقسام
شفت بقى قايدة التوريث إيه الذوق بتاع عليتنا بيفضل هو هو
هو ده الشئ اللى نختلف عليه
وبكره ياسيدى هانناقش التحول من بلوجرز لوردبرس وهانشوف جدوى ده فى المناقشة
وإن كنا راضيين من ناحية إدارة المحتو يعنى بقليلنا
عن فخامة الحاج سخصيا
بلبع الرغاى
20 أفريل, 2007 في 1:53 م
mohamed
يا هلا يا هلا , مبعوث ابا الحاج هنا في مدونتي المتواضعة , ” انا بتاعك يا ابا الحاج ” يا ريت توصله الكلام ده والنبي ..
فكرتني بايام النتسكيب والاكسبلورار , انا كنت نتسكباوي عميل 🙂
عامة مش مهم نكتب فين المهم نكتب ايه , ده ابا الحاج ابو جمال غالي علينا ولازم نكرمه ..
اهلاً بيك في المدونة ..ويارب تفضل متابعنا..
23 أفريل, 2007 في 6:23 م
دافنشي
يخرب عثلك!
اتكعبلت فيها ازاي دي؟
وكمان مبعوث ابا الحاج جالك إهني بذات نفسه؟
لا والله دا كاتييييييييير!
منورنا والله.. بالروح بالدم نفديك يا (اقول باسم الواد ولا ابوه يزعل؟)
باجول ايه يا عم بلبع.. لو انت لسة هنا..
لو فيها رخامة يعني.. مين بيعمل الصور دي؟
يعني الكاتب والرسام واحد؟
المهم يعني..
خدوا بالكم من ابونا الحاج.. ومن زريبة ابونا الحاج.. ومن بهايم ابونا الحاج.. ويجعله عامر!